A Baciccia

Omaggio a Raffaele Pallavicini (18 aprile 1914).

 

T’emmo visto mainà, oste, pastò,

a-a guera, fra i briganti e fra i lioìn,

chéugo, astronomo, frate e minatò,

fà da prinçipe e fa’ da savattin;

 

T’emmo visto fedele servitò,

fa’ pietosa anca a man de l’assascin,

ma dappertutto ti t’è faeto onò

e alegri ti hae tegnùo grandi e piccin.

 

Aora, Baciccia, che ti te ne vae,

ne pa’ de ritorna’ comme i figgiéu,

che ciù g’han gusto e ciù ghe ne vien coae;

 

perché a commedia da giornà d’anchéu

ciù che filosofia densa dinae,

a veu un po’ de bon sangue e de bon chéu.

Leave a Reply

Your email address will not be published. Required fields are marked *